අහස ඔබ කොයිතරම් දම් පාට වුනත් අද-
හෙට උදේ ඉර එළිය අරන් එනවා නොවේද?
දo පඳුර මත ඉදී දම් පාට වුණු පොකුරු,
ඔබට දුන්නා නොවේද,
ඔබේ ඔය දම් පාට?
ඉර එළිය අරන් එන,
හෙට උදේ පාන්දර -
හැර දමා දම් පැහැය,
අඳිනු මැන සුදු සේල..
අඳුරු වැහි බීරමට,
බිය වැදී ගුලිවෙච්ච-
බටිත්තන් උණුහුමට,
කිති කවා හිනැහෙන්න,
ගෙවුණු දවසක හවස,
කල එළිය පතුරන්න,
හෙන්දිරික්කා මලට,
සළු මුදා හිනැහෙන්න...
ඉර එන්න - ඔබ එන්න,
හෙට උදේ පාන්දර.
රන් හිනා මල පිපෙන, - නිල් වලා වියන යට,
තෙත් බරිත වැහි හැදෑ වරුව හරි අගේ ඇත...
සුදු වලා තණ පලස, ඉර අව්ව බබලන්න,
ඉඳල හිටලා අහස, අඳුරු සළු පොරවන්න...
නිල් වලා වියන යට මල් පිපුනත් නැතත්
ReplyDeleteබිය වෙලා ගුලි වෙච්ච බටිති පැටියෙකි නුඹත්
නෙක සිහින ඇහැරන්න සඳු ඇවිත් මේ රැයෙත්
සඳු යාවි හිරු ඒවි නොවරදවාම හෙට උදෙත්
- podi ekaa-